Информацији за вчерашните пресметки

Нови осум пресметки од „А“ до „Д“ шемата по групи донесува вторничката вечер во Лигата на Шампионите.

Вечните фаворити за освојување на титулата Јувентус, Баерн, Барселона и Манчестер Јунајтед пред своја публика размислуваат само за победи против екипите со помалку звучни имиња.
И ако италијанците, баварците па и каталонците објективно не би требало да имаат поголеми проблеми против Рапид, Бриж и Удинезе, Црвените Ѓаволи се пред сериозен предизвик.На театарот од соништата гостува Бенфика. Двобојот што поранешните европски владетели ќе ѓи врати речиси, 40 год наназад во историјата.
Спомените се поврзани со англискиот гигант, кој токму против поругалците на Вембли стигна до својата прва титула.
Сегашниот Манчестер Јунајтет се соочува, со суспензија на Вејн Руни, и фрустрирачкиот пораз од Блекбурн дома по 43 год. Карактерот на екипата е на тест, избраниците на сер Алекс Фергусон многупати демонстрирале брза рехабилитација по поразите.

Од друга страна Бенфика со новиот предводник Роналд Куман излезе од лошата серија и најавува офанзива на „Олд трафорд“.

Лил - Вилареал е другата двојка од оваа „д“ група.

Во првата Јувентус и без Виера и Буфон е голем фаворит во Торино против Виенски Рапид, како и Баерн кој го пречекува Бриж.

Баварците имаат стоотстотен ефект на трите последни дуели од Лигата на Шампиони во Минхен. Белгијците кошмарни 8 порази на 11-те евро визити во Германија.

Ајакс - Арсенал е двобојот на најсилните во „Б“ групата. Двете екипуи се сеуште резервирани во националите првенства.
На амстердам арена топџиите доаѓаат осетно ослабени без Анри, Пирес и Ван Перси, во обид да слават првпат на шестото евро патување.
Копјаниците во најсилен остав кон сочувување на успешната традиција со ангичаните и подобрување на европскиот ефект од само една победа на 10-те последни дуели.
Во воведниот меч за опстанок во европа, швајцарската селекција Тун во Берн на мегдан со прашка Спарта.
Дебитантот Удинезе на „Ноу Камп“ против Барселона ќе ги проверува вистинските квалитети по убедливата победа над Панатинаикос.
Но Козми нема да го има на располагање токму творецот на триумфот, трикратиниот стрелец Јакинта.
Италјанскиот репрезентативец одби да го продолжи договорот и беше отстранет од тимот.
Недоразбирањата во Барселона биле само поради слатките маки на Рајкард. Дилеми нема, Роналдињо и Деко по отсуство од Севиља се враќаат во екипата.a
Во Атина дуел на губитниците од првата рунда Панатенаикос - Вердер.

Без право на кикс се и грците кои катастрофално стартуваа и во домаш првенствпо, како и германците кои се при врвот во Бундес лигата, а со повратникот Клосе кој не играше со Барса.

Лион го демолираше Реал Мадрид

	Lyon		Real Madrid
	21' Carew 26' Juninho 31' Wiltord

Францускиот шампион Лион го демолираше деветкратниот континентален првак Реал Мадрид со 3:0, во натпреварот на вечерта што го означи почетокот на фазата по групи во новата сезона на шампионската лига.

22 гола беа постигнати на осумте воведни средби од „Е-Х“ форматот, немаше ниту еден нерешен резултат.

Со три погодоци за само десет минути, Лион го потопи Реал на „Жерланд“. Кару, Жунињо и Вилтор го потсетија кралскиот клуб дека со 3:0 загуби во првиот меч и лани, на гости во Леверкузен. Малку недостигаше кошмарот на „Галактикос“ да биде и поголем, бидејќи Касиљас го одбрани пеналот на Жунињо, спречувајќи 4:0 уште на полувреме.

„Првиот дел ни беше од соништата“, гордо изјави Жерар Улие, блескаво почнувајќи ја својата тренерска рехабилитација. Чудно, шефот на Реал Вандерли Луксембурго не беше премногу загрижен.

„Дадоа голови од првите две шанси, но не беше во прашање среќа, туку ефикасност. Проблемот е што ние не погодивме“, изјави бразилскиот стручњак, тврдејќи дека играта на Реал била подобра отколку при првенствениот неуспех со Селта.

Во вториот меч од групата „Ф“, Розенборг на гости го изненади Олимпијакос со 3:1. Со два брзи гола, на Синама Понгол и на Луис Гарсија, и вропскиот првак Ливерпул почна трумфално, на жешкиот терен на Бетис во Севиља.

Рафаел Бенитез се врати на добро познато место, дебитантот во лигата на богатите преку Арзу намали на почетокот од второто полувреме, но „Црвените“ одолеаја до крајот.

„Ние бевме подобри во првиот, а Бетис во вториот дел. Но, се е до головите, ние дадовме два, а тие само еден“, изјави шпанскиот менаџер на Ливерпул, најавувајќи дека нерешен резултат не би го задоволил ниту во дербито на групата „Г“ со Челзи следното коло.

Лондонските сини пак, со голот на Френк Лампард од слободен удар минимално го совлада Андерлехт, но менаџерот Жозе Мурињо пак не признава дека Челзи се уште не е во ланската форма.

„Моите играчи одиграа како што им реков. Да не ја губат топката и да не оставаат простор зад одбраната“, рече португалецот.

Со погодок во стилот на Марадона, Кака беше инспиратор на победата на Милан над Фенербахче од 3:1. Беше стрелец и на првиот гол, но на три минути пред крајот, при 1:1, бразилецот со самба слалом низ турската одбрана ги реши дилемите. Шевченко потоа само потврди кој е кој на „Сан Сиро“.

Во вториот дуел од групата „Е“, ПСВ Ајндховен со 1:0 беше подобар од Шалке 04. Синоќа уште, во групата 'Х“, Интер минимално славеше кај Аартмедија со 1:0, а Ренџерс во Глазгов беше поуспешен од Порто со 3:2.

Ливерпул против Челзи во лигата на шампиони

Европскиот првак Ливерпул против Челзи во иста група од 8-те во кои денеска во Монте Карло беа распоредени најдобрите 32 екипи во лигата на фудбалските шампиони.

Најмногу претставници имаат Шпанија, Италија и Англија по 4, а три тима од Бундес лигата влегоа во трката за трофејот што ќе започне на 13-ти септември, а ќе трае до 17-ти мај за кога е закажано финалето на Стад де Франс во Париз.

Во „А“ групата Баерн од Минхен и Јувентус се фаворити за првите две позиции што водат во елиминационата рунда. Бриж и Рапид Виена, барем според рејтингот на противниците ќе се натпреваруваат за 3-тото место со тоа и за продолжување на настапите во купот на УЕФА.

4-кратниот првак на европа Ајакс ќе му биде најсериозниот конкурент на Арсенал во 'Б“ групата во која се уште и Спарта Прага и клубот што за првпат е во елитната лига швајцарски Тун.

Внимание ќе привлече и 3-тата група во која има тимови од Примера, од Бундес и од Калчо лигата. Барселона, Бремен, Удинезе и Панатинаикос кој навидум е аутсајдер, но е со големо искуство кога се во прашање средбите од најквалитетното евро натпреварување.

Манчестер Јунајтед ја предводи „Д“ групата која е реклативно лесна затоа што англичаните во неа немаат звучно име за противник со Виљареал, Лил и Бенфика.

Финалистот од минатата сезона Милан, е најдоброрангиран во групата „Е“ во кој се уште и ПСВ Ајндховен, Шалке и Фенербахче.

Најуспешниот тим во шампионската лига Реал Мадрид, атакот на 10-тата титула ќе ја започне против Лион, Олимпијакос и Росенборг во „Ф“ групата.

Ливерпул и Челзи ќе го привлечат вниманието со меѓусебните дуели во групата „Г“, но не треба да се заборави посебно на Бетис, но и на Андерлехт.

Атрактива ќе биде и „Х“ групата во која најмногу шанси му се даваат на Интер во конкуренција на Порто, на Глазгов Ренџерс и на најголемото изненадување во квалификациите, словачкиот тим Петржалка.

Резултати

Повеќе информацији на:
http://championsligemk.

Стартува Лигата на Шампионите

13.09.2005

Стартува најпривлечното клубско натпреварување на планетата - фудбалската лига на шампионите.

Загревањето заврши квалификациското сито го оформи европскиот крем од 32 екипи кои ќе ја имаат честа да бидат дел од јубилејното 50 -то издание.

Меѓу 12 - те екс шампиони и пет дебитанти кои ќе се возбудуваат уште од воведните тонови на химната на лигата на богаташите.

А од сега па се до 17 мај преку 125 дуели, стотици голови и десетици часови фудбалско задоволство, само за две екипи ќе има место на прекрасниот Стад д Франс во Париз во пресметката за блескавиот трофеј.

Лесно е да се нанижат фаворитите, кои се и оваа година исти. Се потешка е задачата да се погодат аутсајдерите кои ќе ги стрелаат големите зверки.

Судејќи според претходните две години такви екипи сигурно ќе има и сега. Веројатно ниту Порто, Монако или Валенсија па дури и актуелниот шампион Ливерпул не можеа да ги предвидат своите врвни походи.

Затоа во пресрет на новиот циклус сите прогнози, претпоставки и громогласни најави се на стаклени нозе. Кој може по сите претходни сензации да ја отфрли можноста дека ова не е година на Виљареал, Шалке, Интер, Бетис или Лион.

Вечерва токму Жерлан и Мануел Луиз де Лопера стадионот ќе бидат епицентрите на фудбалските вибрации. Бетис ќе го пречека бранителот на трофејот Ливерпул, Лион најтрофејниот досега Реал Мадрид.

Во другите дуели од Ф и Г групата: Олимпијакос - Розенборг и Челзи - Андерлехт. ПСВ - Шалке 04; Милан - Фенербахче и Петржалка - Интер; Ренџерс и Порто се двојките кои ја комплетираат увертирата во новото издание од лигата на шампионите.